O Ritual da Primavera

Para darlle a benvida á nova estación, realizamos a seguinte actividade sensorial:

Primeiro houbo un pouco de misterio, xa que a profe Rosa tiña preparados uns materiais enriba das mesas: vasos con auga e pipetas, caixiñas cheas de sal e pratos.

Despois, por parellas tiñamos un globo cheo de algo duro... non sabíamos qué era e comezamos a hipotetizar. Ao tocalo, notábamos que estaba frío, moi frío, así que seguro que era xeo...

A continuación, a profe cortou os globos e, efectivamente, era unha bóla de xeo, pero.... había algo dentro!

Eran flores!

Tiñamos que facer unha tarefa de rescate, simbolizando o paso do frío ao tempo máis caluroso e no cal as flores e árbores florecen.

Así que collemos a sal e máis a auga e alá fomos! 

Cando o conseguimos, sacamos o xeo que nos quedaba a fóra, para ver cal de todos aguantaba máis baixo o calor do sol. 

Por último, representamos a actividade gráficamente, algo que nos axuda a interiorizar o experimentado.