FESTA DE NADAL

Para rematar o trimestre e dar comezo as vacacións de nadal pasamos unha xornada estupenda cos nosos amigos e amigas de Vinseira, Ledoño e Sésamo na escola.

Mirade que ben o pasamos:

GRAZAS SANDRA

 Despedímonos de Sandra que nos acompañou durante este trimestre. Segue a súa andaina en maxisterio e seguro que pronto terá o seu sitiño nunha escola.

Moita Sorte e Grazas pola túa implicación, botarémoste de menos.

Vémonos pronto!

CANTOS DÍAS FALTAN PARA A CHEGADA DO NADAL?

Neste mes tamén tivemos un calendario con propostas e xogos, cada día o encargado abría o sobre correspondente coa data. Atopamos diversas propostas:

-Coñecimos O arbusto típico do nadal e o seu significado: O Acebo.

- Preparamos a nosa árbore de nadal e uns adornos moi chulos.

-  Desfrutamos dun contacontos moi especial con Dragona Ramona.

- Coñecimos ao Apalpador e elaboramos un xoguete de madeira con elementos que nos deixou agochados  na aula.

- Escribimos unha postal as familias cun desexo para estas datas.

- Visionamos curtometraxes: "Remote", "Una carta más corta", "Lily y su muñeco de nieve", "El puercoespín en navidad" (YOUTUBE)

- Prácticamos a comer "as uvas" ao son das campás da porta do sol.

- Tivemos que conseguir un reto para ter unha doce recompensa: elaborar entre todos/as unha árbore de nadal con pezas soltas. 

- Dimos a benvida ao inverno sentindo cos pés as cores frías ao son do Inverno de Vivaldi.

- ...

MES DE NADAL

 Durante os días de decembro tivemos dispostas na aula diversas propostas de aprendizaxe relacionadas con esta época do ano tan emocionante para as nenas e nenos!

D¨XASTRES

Seguimos co proxecto a voltas... Estamos traballando sobre:

*MEDRAMOS. As medras son o signo de crecemento e non só nos referimos a nivel físico (altura, peso...) senon que hai moitros outros indicadores... Algúns deles estamos rexistrándoos no libro "As nosas medras" que faremos en dous momentos, agora e a final de curso para poder mostrarlle aos peques a súa evolución e conquista.

*A roupa: talla (etiquetas), cores da roupa (tintes), tecido (orixe)... 

Elaboramos tintes naturais para tinguir trociños de tea de algodón (observamos unha flor de algodón). Como en propostas anteriores estivemos a traballar as cores primarias e secundarias aproveitamos dito coñecemento para elaborar os tintes con eses tonos. Comezamos a actividade cunha reunión encabezada pola pregunta: Como conseguimos as cores da roupa que levamos posta? Esto permitiunos falar dos tintes naturais e artificiais. 

Elaboramos en primeiro lugar tintes de cores primarios empregando remolacha (vermello), col e bicarbonato (azul) e cúrcuma (amarelo). Fixemos a mestura con estes para conseguir os secundarios.

Empregamos os tintes elaborados para traballar a grafía dos nosos nomes. Comparamos o tinte elaborado coa témpera que empregamos normalmente na aula e observamos que esta última era máis espesa polo que mesturámolos con fariña para conseguir o espesor adecuado para realizar a proposta.

MAGOSTO

O pasado venres celebramos o Magosto na Torre de Celas cas nosas amigas e amigos das escolas do CRA. Disfrutamos moito xogando a varios xogos popolares, comemos castañas asadas e tivemos un tempiño para explorar o entorno do lugar, unha xornada moi divertida!

 

Para decorar os tetrabrick fixemos un debuxo colaborativo, onde o resultado e a suma de todas as aportacións individuais. Debuxamos a Xana, a castañeira, a partir dunha descripción que fixemos dela (cara redonda, ten dous ollos, un parece unha castaña e o outro un botón, o seu sorriso delata que lle faltan dous dentes, a nariz parécese a folla dun piñeiro.... ). Cada nena/o  só debuxa a característica que se describe no momento, unha vez rematada pasamos ao papel do lado e debuxamos a seguinte característica, rotando así por todos os debuxos.

SAMAÍN

 A última semana de outubro estivemos moi atarefados (e tamén algo nervisillos) e con moitas ganas de que chegase o venres para disfrazarnos.

E por fin chegou o día. A festa de Samaín deu comezo cunha instalación de xogo, preparamos merenda terrorífica, xogamos un montón no patio e para rematar a mañá bailamos e vimos unha curtometraxe (A Bruxa Regañadentes):